| Site menu |
 | |
 |
| Статистик |
|
Онлайн Нийт: 1 Онлайн Зочин: 1 Онлайн Гишүүн: 0 |
|
| Санал асуулга |
| |
|
| Сурталчилгаа |
|
|
|
| Сурталчилгаа |
| |
|
| Сурталчилгаа |
|
|
|
| Valuation |
| |
|
|
 |  |  |
 | Main » 2009 » 5 сар » 5 » Эмэгнэл
|
БИД ЯМАР АГААРААР АМЬСГАЛЖ БАЙНА ВЭ?Би ямар агаараар амьсгалж байгаа бол гэсэн сониуч
хүсэлдээ автан, Нийслэлийн агаарын чанарын албаны нээлттэй хаалганы
өдөрлөгийг зорьсон юм. Уушигтай бүхэнд заналхийлж байгаа, аймшиг "утаа,
униар" гэдгийг мэдэж байгаа учраас илүү анхаарал хандуулж, энэ аймшиг,
гамшгийн эсрэг бодитой ажлууд юу хийж байгаатай нь танилцахаар очсон
хэрэг. Харамсалтай нь энэ сүржин нэртэй байгууллага маань өөрсдийнхөө
хийсэн ажлыг танилцуулах биш, хийн түлшний бизнес эрхэлдэг хэд хэдэн
компани танилцуулга бүхий зурагт хуудас, шахмал түлшний сайн сайхныг
сурталчилсан уран үгтэй цааснаас өөр ч юу ч үзүүлсэнгүй. Агаарын
бохирдолын гол эх үүсвэр нь гэр хороолол, 90 хувь нь эндээс гардаг
гэсэн ерөнхий хариултыг өгөх хэрнээ, нэг айлын яндангаас хоногт хэдэн
кг хорт бодис хаягдаж байгааг тооцоолоогүй багаж төхөөрөмж нь байхгүй
гэсэн үгээр ам тагласан юм.
Дэлхийн өндөр хөгжилтэй улс орнууд агаарын бохирдлоо хэмждэг
мундаг чадалтай төхөөрөмжөөр өвч тоноглосон байдаг гэнэ. Тэр нь агаарын
чанарыг 12 үзүүлэлтээр хэмждэг бол манайд хамгийн сүүлд сүр дуулиантай
оруулж ирсэн суурин 4 станц нь дөнгөж 6 үзүүлэлтээр хэмждэг гэнэ. Нэг
үгээр хэлбэл автомашин, нүүрсний утаанаас хамгийн их ялгарч байгаа хар
туглага, нүүрстөрөгчийн хий, озоныг тогтоох хяналт хэмжилтийг огт
хийдэггүй гэсэн үг юм. 142 мянган өрх өвлийн цагт хорт утаа
үйлдвэрлэдэг, үүн дээр нийслэлийн замын хөдөлгөөнд оролцож байгаа 200
орчим мянган тээврийн хэрэгслийн ядангаас гарч байгаа утаа, униар, за
тэгээд дулааны цахилгаан станцуудаас хаягдаж байгаа утаа униарыг
багасгах нь битгий хэл тэдний хэмжээнд хаягдаж байна гэж хэлж чадахгүй
байгаа юм.
Эх үүсвэрийнхээ тооцоог ч бүрэн хийж чадаагүй учраас, агаар
бохирдуулж байгаа хорт бодисын хэмжээ агууламж ямар хор хохирол үзүүлэх
хэмжээнд байгааг асуултгүй юм. Ямар ч байсан нийслэлийн агаарын
бохирдол стандарт хэмжээнээсээ 3-4 дахин ихссэн байгаа гэсэн хариултыг
өглөө. Утааны хэмжээ өвлийн ид хүйтэн үед гамшгийн хэмжээнд хүрдэг нь
хэнээр ч хэлүүлэтгүй тодорхой зүйл. Манай улс агаарын бохирдлын
хэмжээгээр аль дэлхийн улс орнуудын аль хавьцаа явж байгаа вэ гэсэн
асуултанд, лав л сүүлд нь биш. Бараг түрүүнд байх гэсэн хэнэггүй
хариултыг өгч байсан юм. Бид энэ сурвалжлагаар хэн нэгийг муу үзэх
хэрэг биш. Харин төрийн албаны хаагчдыг ажлаа хийж, хариуцсан ажлаа
бүрэн мэдэж байгаасай гэсэн шүүмжлэлийг хүргэхийг зорьсон юм.
|
|
Category: Мэдээ |
Views: 1000 |
Added by: mongol
| Rating: 5.0/1 |
| Total comments: 1 | |
|
0  
|
|
|
|
|  |
 |  |
 |  |  |
|
| Сүүлийн сэтгэгдэл |
| |
|
| Спонсор |
| |
|
|
