Эв нэгдлийн зарчимд тулгуурлаж эрчимтэй хөгжих замаар улс орны ирээдүйг тодорхойлох зорилттой  үндэсний хөгжлийн цогц бодлогын талаар залуучууд хэлэлцлээ. Энэхүү хэлэлцүүлэгт Монгол улсын төрийн тэргүүн оролцож  улсын тогтвортой хөгжлийн талаар илтгэл тависан юм.                           
  Монгол улсын үндэсний хөгжил 2021 онд ямар түвшинд очих  боломжтойг зөв төлөвлөлт, эдийн засгийн оновчтой шийдэл  харуулна  гэдгийг Монгол улсын төрийн тэргүүн хэлсэн юм. Энэ ч үүднээс хөгжлийн гарцыг тодорхойлсон  алсын хараа хэрэгтэй байсныг онцолсон юм.  Дэлхийн хөгжил буурай олон орнууд төлөвлөж чадаагүйгээсээ олон зүйлийг алдаж байжээ. Дээр дурьдсан байдлаар ч бид таваарлаг болон материаллаг бус зүйлээ олноор нь алдаж байсныг ерөнхийлөгч дурьдлаа. Энэ ч үүднээс тэрээр  эрдэмтэн мэргэдийн бодлогыг уралдуулж үндэсний хөгжлийн цогц бодлогыг боловсруулжээ. Гэхдээ үүнийг бодит ажил болгоход өнгөрснөө санаж хөгжлийн зураглалаа тодорхойлдог  төрийн зөв бодлого хэрэгтэйг хэлсэн юм.
  Монгол улсын мянганы хөгжлийн зорилтод суурилсан ҮХЦБ нь эдийн засгийн эрчимтэй хөгжлийн үе шат буюу 2007 -2015 он, мэдлэгт суурилсан эдийн засагт шилжих үе буюу 2016- 2021 он онууд гэсэн хоёр үе шаттайгаар хэрэгжихээр тооцоологдож байгаа юм байна. Зүүний хүчний  холбооноос зохион байгуулсан энэхүү чуулга уулзалтад монгол улсын 21 аймаг нийслэл дүүргээс ирсэн төлөөлөгчид оролцож байна.