Өнгөрсөн оны сүүлчээр топ модель Д.Пүрэвсүрэн найз залуудаа зодуулсан талаар мэдээлж байсан. Тэгвэл эл хэргийн шүүх хурал болсон байна. Топ моделийн экс найз залууг Б.Цэгцбаатар гэдэг. Тэр оны өмнө найз бүсгүй Д.Пүрэвсүрэнгээ зодож гэмтэл учруулсан бөгөөд цагдаагийн байгууллагаас энэ хэрэгт нь эрүү үүсгэн Эрүүгийн хуулийн 99.2-т зааснаар ял төлөвлөсөн юм. Шүүх хурлаас найз бүсгүйгээ удаа дараа зодож танхайрсан Б.Цэгцбаатарт 350 цаг албадан ажил хийлгэх шийдвэр гаргалаа. Өөрөөр хэлбэл Б.Цэгцбаатар нь сар гаруйн хугацаанд цалин хөлс авахгүйгээр нийгэмд тустай хөдөлмөр эрхлэх юм. Түүний хөдөлмөрлөх цагийн хуваарьт амралтын өдөр орохгүй гэнэ.