Нийслэлийн хот тохижилтын газраас золбин нохдыг устгаж булах ажлыг хариуцдаг. Гэтэл тус газар ажилдаа хайнга хандсанаас нийслэлийн зарим иргэд үхсэн нохойн махыг хүнсэндээ хэрэглэж байна. Энэ талаар өчигдөр Нийслэлийн хот тохижилтын газраас мэдээлэл еглөө. Зүй ёсоор бол Нийслэлийн хот тохижилтын газраас золбин нохдыг устгалд оруулж, ариутган хоёр метр гүнд булах ёстой аж. Гэтэл тус газар золбин нохдыг устгаад Улаанчулуутын хогийн цэг дээр ил хаядаг юм байна. Харин хог түүдэг иргэд түүнийг өвчиж хотын захын цайны газруудад нэг килограммыг нь 500 төгрөгөөр худалддаг гэнэ.
Мөн хог түүдэг иргэдтэй зэрэгцээд машин тэрэг хөлөглөсөн иргэд гундуу хувцас өмсөж зүсээ хувиргаад нохойн махыг ачиж явах болжээ. Нийслэлийн хот тохижилтын газарт иргэдээс ирүүлсэн мэдээллээр бол Улаанчулуутын хогийн цэг дээр зүсээ хувиргасан саарал өнгийн машинтай иргэд ирэх болсоор уджээ. Энэ хэргийн эздийг олохын тул мэргэжлийн хяналтынхан цагдаагийн байгууллагад хандаад байна.